Um mig

Rakel Rún Garðarsdóttir heiti ég og er ljósmyndari fædd og uppalin á Hvammstanga, búsett í Reykjavík.
Reyni að fylgja ástríðu minni og gera það sem ég hef gaman af, fanga góðar myndir í íslenskri náttúru og í kringum mig.  

 

Ég lauk ljósmyndaprófi frá Tækniskólanum í Reykjavík vorið 2020 og sveinsprófi 2022.

 

​

Ljósmyndastíll og hugsanir

​

Mér finnst list vera rétta lýsingin á ljósmyndastílnum mínum þegar kemur að náttúru og landslagi. Minimal og abstrakt list er ein af mínum uppáhalds. Kannski tengist það svolítið minimal lífstílnum mínum.

​

Listljósmyndun snýst að mínu mati mest um þá tilfinningu sem ljósmyndarinn hefur​ fangað, og hvaða tilfinningu það gefur áhorfandanum.
 

Myndatökur og verkefni

​

Allar myndirnar mínar eru til prentunar þó þær séu aðeins fáar í prentversluninni minni.  Ég tek að mér allskyns verkefni t.d. viðburði, vörumyndatökur, portrait og fleira. Þar á meðal er ég freelance fyrir tímaritin "Gestgjafinn", "Hús&Híbýli" og "Vikan".​

​

​

Á persónulegu nótunum

​

Ég ólst upp á Hvammstanga og veit fátt betra en að vera úti í náttúrinni með myndavélina í góðum félagsskap. Áhugi minn á ljósmyndun kviknaði mjög snemma og ég hafði alltaf haft hug á því að læra meira um ljósmyndun. Ég hlustaði hinsvegar alltaf á humhverfi mitt um að háskólamenntun væri praktískari leið en eftir að hafa farið tvisvar í háskólann og ekki fundið mig þar ákvað ég að fara í nám í ljósmyndun í Tækniskólanum. Nánast öll mín skapandi hugsun verður til á meðan ég nýt þess að vera í íslenskri náttúru. Ég hef hinsvegar mikinn áhuga á flest öllu sem viðkemur ljósmyndun og elti þessa sælutilfinningu sem ég fæ við að taka góða mynd.

​

​
 

​

​